E Trstenikose Roma save i adje poštuin e doktoro Sava Stanojević thaj adje ćidepepe lesko limori te den le počast thaj te setimpe pe lesko humano lačhipe.-Dasamen godji pe gova breš 1942 pe adjesutno dje 14. Oktobar kana e Nemcura trubuje te mudaren amare Romen ando Trsteniko. O doktoro Sava Stanojević pindžarela sa amare Romen avela lende thaj sastarela len vovda ašunda kaj trubun te mudaren e Romen thaj sasti mala ogradisarda sa bodljikavo žica thaj thoda table Flek fiber . Kana e Nemcura dikhle so pisol pe goji table von nitromae te den ande Romani mala , thaj djele ande Podunavci thaj ande Kraljeva i gothe streljisarde e Romen. Savako breš ande adjesutno dje amen andaro Trsteniko na jek nego sa e Roma proslavis kavadje.Amendje si kava dujto drom sar bijandilan a o doktoro Sava Stanojević sis a e Romengo kume. Jer amen adje savore ćeras bući si amane amare čhave .Thaj pe but načinura amen odužisamen e doktorose. Amen inicirisardam te o sastimasko čher indjarel lesko alav doktoro Sava Stanojević, manglam te amari ulica kaj train e Roma indjarel lesko alav .Romano ćidipe savo akharola Ivo Lola Ribar akana indjarel lesko alav doctor Sava Stanojević. Žaomandje kaj manglam te ćerdolpe lesi bista ali dži akana još nićerdili. Nadisamen kaj uskoro ka ćeren lesi bista jer kava manš godova zaslužisarda sar bi sa e ternimata dikhena e doktorosko liko thaj te džanen so vov ćerda Romendje.
-Adje sutne manuša vaćaren kaj vov sas baro manuš.Gova sas manuš savo vodila računo katar pe pacijentura, ni mangela saja lese pacijentura saveses but nasvale vov ivende džala ande gava po 10 , 15 kilometara bi vordonestote dikhel sarsi lengo sastipe. Gasavo manuš više nibijandol.
-E vencura thaj luludja pe doktorosko limori thode e manuša andar sastimasko ćher savo indjarel alav doctor Sava Stanojević thaj Romane ćirdimada. Kaja manifestacija nastavilpe ande Romani mala khaj čhindolpe o kolako gothe aven sa e Roma andar e Romani mala thaj dosta gadže andar o foro.